скидки по карте тут >
Для ўдзелу ў конкурсе на кожным этапе было неабходна xытанне твораў са школьнай праграмы па беларускай літаратуры працягласцю да двух хвілін.
На кожным этапе ў склад журы ўвайшлі Уладзімір Ліпскі - беларускі пісьменнік і галоўны рэдактар дзіцячага часопіса "Вясёлка", Раіса Баравікова - беларуская пісьменніца і паэтэса, Юрый Жыгамонт - беларускі акцёр і тэлевядучы, і Маргарыта Латышкевіч - беларуская пісьменніца.
Кампанія velcom падрыхтавала каштоўныя прызы:
- Пераможцы рэгіянальнага фіналу (5 вучняў у кожнай вобласці) атрымалі смартфоны з аперацыйнай сістэмай Android.
- Пераможцы рэспубліканскага фіналу (5 вучняў) атрымалі смартфоны маркі Apple.
Індывідуальны этап праходзіў з 11 кастрычніка па 20 снежня 2017 года. Вучні 7-8 класаў павінны былі запісаць відэаролік, у якім яны чытаюць любы твор са школьнай праграмы па беларускай літаратуры. Далей яго неабходна было выкласці на асабістай старонцы ў сацыяльнай сетцы (VK, Facebook, Instagram) і паставіць хэштэг #чытаемзвэлком або #чытаемзvelcom, а таксама выслаць спасылку на публікацыю на афіцыйны адрас конкурсу.
Імёны лепшых канкурсантаў былі агучаны 29 снежня пасля таго, як журы прагледзелі больш за 2000 відэаролікаў. На гэтым этапе ў склад журы, акрамя пастаянных членаў журы, увайшла ініцыятыўная група студэнцкага актыву БДУ. З кожнай вобласці і горада Мінска былі абраны па 30 лепшых відэаролікаў, аўтары якіх былі запрошаны ў рэгіянальны фінал.
Рэгіянальныя фіналы праводзіліся з 15 лютага па 28 красавіка 2018 года ў кожным абласным цэнтры і ў горадзе Мінску. На пляцоўцы ўстановы адукацыі праводзіўся конкурс чытальнікаў, дзе кожны ўдзельнік выступіў ужывую перад журы. Па выніках рэгіянальных фіналаў з кожнай вобласці і горада Мінска былі адабраны па 5 лепшых чытальнікаў, якія набралі максімальную колькасць балаў. Агульная колькасць пераможцаў па выніках другога этапу - 35 вучняў. Кожны пераможца атрымаў прыз - смартфон XiaomiRedmi 5a.
Рэспубліканскі фінал прайшоў 11 траўня 2018 года ў Нацыянальным акадэмічным тэатры імя Янкі Купалы. На сцэне тэатра выступілі 35 пераможцаў рэгіянальных фіналаў. З гэтай колькасці журы абралі 5 лепшых чытальнікаў, якія набралі максімальную колькасць балаў. Пераможцам рэспубліканскага этапа ўручылі смартфоны iPhone 7.
Спецпраекты ў рамках конкурсу:
Першы беларускамоўны паэтычны батл «Вершус»
З лістапада ў Мінску прайшоў першы паэтычны батл «Вершус», прымеркаваны 135-годдзю Якуба Коласа і Янкі Купалы. Маладыя акцёры і паэты спаборнічалі адзін на адзін, чытаючы творы класікаў і свае ўласныя вершы. Хто пераможа ў «Вершусе» - «Каманда Коласа» або «Каманда Купалы» - вызначылі гледачы. Сам батл уключаў у сябе некалькі раўндаў: у першым сустрэліся акцёры тэатра «Жывое слова» Алеся Сівохіна і Наста Жлукценка. У другім і трэцім раўндах сышліся маладыя паэты: Кацярына Масэ супраць Маргарыты Латышкевіч, Алесь Снег супраць Мікіты Найдзёнава. Месца правядзення батла - першы паверх гандлёвага цэнтра «Galleria Minsk». За «Вершусам» можна было назіраць у прамым эфіры праз афіцыйныя акаўнты velcom ў сацыяльных сетках:
У сацыяльных сетках відэа «Вершуса» набрала больш за 10 тысяч праглядаў.
Вядучы агенцтва тэленавін у прамым эфіры далучыліся да «Вершус-Баттлы».
Замежныя паслы прачыталі вершы беларускіх класікаў
Кіраўнікі і прадстаўнікі дыпмісій замежных дзяржаў у Беларусі падтрымалі ўдзельнікаў конкурсу і далучыліся да беларускамоўнага паэтычнага флэшмоба. Прадстаўнікі пасольстваў Швецыі, Кыргызстана, Славакіі, Чэхіі, Фінляндыі, Вялікабрытаніі, Румыніі, Ізраіля, Італіі, ЗША, Рэспублікі Карэі і Украіны ў Беларусі запісалі відэа, дзе яны чытаюць творы беларускіх аўтараў у падтрымку ўдзельнікаў конкурсу «Чытаем па-беларуску з velcom».
Усе відэа былі размешчаны ў сетцы Інтэрнэт, а іх агульная колькасць праглядаў перавысіла 15 тысяч. Паслы прызналіся, што з задавальненнем падтрымалі праект, выказаўшы сваё паважлівае стаўленне да беларускай культуры, мовы і літаратуры.
БДУ «Challenge»
БДУ падтрымаў рэспубліканскі конкурс "Чытаем па- беларуску з velcom » і зрабіў гэта ў фармаце паэтычнага чэленджа. Студэнты факультэтаў запісвалі відэаролікі, дзе яны чытаюць творы беларускіх аўтараў, і выкладалі іх у сацыяльныя сеткі з паметкай, якому факультэту яны перадаюць эстафету. Пачалі гэты паэтычны флэшмоб студэнты-філолагі, якія запісалі на відэа урывак паэмы «Новая Зямля» Якуба Коласа. У паэтычнай эстафеце прынялі ўдзел усе факультэты БДУ, а агульная колькасць праглядаў у сацыяльных сетках склала больш за 100 тысяч.
Каманда Mlife.by таксама прыняла ўдзел у чэленджы.
Цудоўная задумка, цудоўныя вынікі:
2048 відэа было адабрана для ўдзелу у першым этапе. Больш за 700.000 праглядаў. Больш за 45 гадзін – агульная працягласць ўсіх відэаролікаў. 1564 відэа даслалі дзяўчынкі і 484 відэа даслалі хлопчыкі. Больш за 400 публікацый у СМІ; больш за 400 пастоў у сацыяльных сетках.
