Вялікаму песняру - Уладзіміру Мулявіну - 75!

12 студзеня нязменнаму кіраўніку і ідэйнаму натхняльніку ансамбля, Уладзіміру Мулявіну, споўнілася б  75 год.

Ну, хто з нас не ведае такія хіты: «Волагда», «Касіў Ясь канюшыну», «Алеся», «Белавежская пушча», «Бярозавы сок» і мноства іншых.

Вялікі Пясняр Беларусі - менавіта так называюць Уладзіміра Георгіевіча. І гэта нягледзячы на тое, што музыкант нарадзіўся, рос, атрымаў адукацыю ў Свярдлоўску (цяпер Екацярынбургу) і толькі ў 1963г. пераехаў у Мінск па запрашэнні Беларускай дзяржаўнай філармоніі. Аднак, менавіта ён нёс «ў народ» прыгажосць беларускай паэзіі і лірыкі, нацыянальны каларыт і самабытную нацыянальную культуру.
Цяжка ўявіць беларускую эстраду без «Песняроў» і народнага артыста СССР, музыканта, кампазітара, аранжыроўшчыка і вакаліста - Уладзіміра Георгіевіча Мулявіна.